Friday, 25 January 2008

Happy Burns Night!

Fair fa' your honest, sonsie face,
Great chieftain o the puddin'-race!
Aboon them a' ye tak your place,
Painch, tripe, or thairm:
Weel are ye wordy of a grace
As lang's my arm.

The groaning trencher there ye fill,
Your hurdies like a distant hill,
Your pin wad help to mend a mill
In time o need,
While thro your pores the dews distil
Like amber bead.

His knife see rustic Labour dight,
An cut you up wi ready slight,
Trenching your gushing entrails bright,
Like onie ditch;
And then, O what a glorious sight,
Warm-reekin, rich!

Then, horn for horn, they stretch an strive:
Deil tak the hindmost, on they drive,
Till a' their weel-swall'd kytes belyve
Are bent like drums;
The auld Guidman, maist like to rive,
'Bethankit' hums.

Is there that owre his French ragout,
Or olio that wad staw a sow,
Or fricassee wad mak her spew
Wi perfect sconner,
Looks down wi sneering, scornfu view
On sic a dinner?

Poor devil! see him owre his trash,
As feckless as a wither'd rash,
His spindle shank a guid whip-lash,
His nieve a nit:
Thro bloody flood or field to dash,
O how unfit!

But mark the Rustic, haggis-fed,
The trembling earth resounds his tread,
Clap in his walie nieve a blade,
He'll make it whissle;
An legs an arms, an heads will sned,
Like taps o thrissle.

Ye Pow'rs, wha mak mankind your care,
And dish them out their bill o fare,
Auld Scotland wants nae skinking ware
That jaups in luggies:
But, if ye wish her gratefu prayer,
Gie her a Haggis!

0 comments:

Post a Comment

Contact

Feel free to get in touch with me if you have an issue with something you've read here... or if you simply want to debate some more! You can email me at:

baldy_malc - AT - hotmail - DOT - com

Comment Policy

I'm quite happy - indeed, eager - to engage in debate with others when the topic provides opportunity to do so. I like knowing who I'm debating with and I'm fed up with some abusive anonymous comments so I've disabled those comments for awhile. If you want to comment, log in - it only takes a minute.

Disclaimer

Regrettably, this is probably required:
This blog is my own personal opinion (unless otherwise stated) and does not necessarily reflect the views of any other organisation (political or otherwise) that I am a member of or affiliated to.
Related Posts with Thumbnails

  © Blogger template The Business Templates by Ourblogtemplates.com 2008

Back to TOP